«IT startaplariga sarmoya kiritish hamda venchur fondlar va biznes farishtalar kim?» mavzusida biznes ma'ruzasi bo'lib o'tdi
Joriy yilning 20-oktabr kuni “InnoWeek.uz-2022” innovatsion g'oyalar haftaligi doirasida «IT startaplariga sarmoya kiritish hamda venchur fondlar va biznes farishtalar kim?» mavzusida biznes ma'ruza bo'lib o'tdi.
Ma'ruzani AQSh l2BF Global Ventures venchur fondi investitsiya direktori Denis Kalыshkin olib bordi. Unda venchur fondi tomonidan yil davomida tashkil etilgan startap loyihalar tanlovi ishtirokchilari, startap asoschilari va startapga sarmoya kiritishga qiziqqan tadbirkorlar birlamchi ma'lumotlarni bilib olish uchun qatnashdi. Shu bilan birga, ishtirokchilarni noan'anaviy moliyaviy instrument, ya'ni venchur moliyalashtirish usuli haqida gapirib, professional ishtirokchilar turlari bilan tanishtirib o'tdi. Shuningdek ma'ruza davomida Denis Kalыshkin IT startaplariga sarmoya kiritish tarixi, turlari va xorijiy tendentsiyasi to'g'risida gapirib o'tdi.
Ma'ruza davomida UzVC veb-saytida ariza qoldirgan va avvalroq UzVC tomonidan tashkil etilgan tadbirlardagi istiqbolli va faol startaplar tanlab olindi. Ma'ruza so'ngida startap egalari sertifikat bilan taqdirlandi.
Ma'lumot uchun:
- Denis Kalishkin - l2BF Global Ventures Amerika venchur fondining investitsiya direktori; AQSh va MDHda an'anaviy sanoatni raqamli transformatsiya qilish, mashinasozlik, robototexnika, kosmik texnologiyalar, narsalar interneti sohasida 8 yillik investitsiya tajribasiga ega; Moskva fizika-texnika instituti (Aerofizika va kosmik tadqiqotlar fakul`teti) bitiruvchisi; MDHdagi texnologik tadbirkorlar uchun «Ask VC» Startap hamjamiyatining asoschisi.
I2BF Global Ventures 15 yillik investitsiya tarixiga ega bo'lgan Amerika venchur fondi bo'lib unga Stenford bitiruvchisi Il`ya Golubovich asos solgan.
DeepTech (qayta tiklanadigan energiya, kosmik texnologiyalar, robototexnika), an'anaviy sanoatning raqamli transformatsiyasi (qurilish, logistika, ishlab chiqarish, sog'liqni saqlash va boshqalar), yangi media, raqamli kontentni etkazib berishning yangi usullari, metaboliq va blokcheyn kabi yo'nalishlardagi 100 dan ortiq kompaniyalarga sarmoya kiritgan.