Bugungi kunda tiflopedagogika sohasida ko‘rish imkoniyati cheklangan ta’lim oluvchilar (Maktab-internat o‘quvchilari, talabalar) uchun xorijiy tillar, xususan ingliz tilini o‘qitishda maxsus adabiyotlar yaratish yechimtalab muammo sifatida kun tartibidan o‘rin olgan. Ta’lim muassasalarida soha mutaxassislari dars jarayonlarini odatiy manbalarni ko‘zi ojizlarga moslashtirgan holda olib bormoqdalar. Biroq bu jarayon har bir pedagogning individual salohiyatidan kelib chiqib amalga oshirilishini inobatga oladigan bo‘lsak, mazkur amaliyot hamisha ham samarali natija bermasligi mumkin. Shu ma’noda, ushbu loyiha doirasida tayyorlanuvchi audiolug‘at ko‘zi ojizlarni tiflopedagogika metodlariga xos ravishda ingliz tili borasidagi bilimlarini oshirishga xizmat qiladi. Qolaversa, ushbu kitob ko‘zi ojizlarga til o‘rgatishda nafaqat OTMlar, balki maxsus ta’lim muassasalaridagi ingliz tili o‘qituvchilari uchun ham qo‘shimcha adabiyot hisoblanadi.

O‘ZBEKISTON JURNALISTIKA VA OMMAVIY KOMMUNIKATSIYALAR UNIVERSITETI

Markaz-5, 88-uy

• sdsfsdgsdfraSFGEGH@mail.com
• 71 207-09-02