Ushbu texnologiyani amalga oshirishda  material xarajatlarni ikki baravargacha kamaytirish, mehnat unumdorligini 50% gacha oshirish, ekish vaqtini 10 kungacha qisqartirish imkoniyatini beradi.Tuproqqa ishlov berish bo‘yicha amaliyotlar soni kamayadi, yaʼni texnikadan foydalanish, yoqilg‘i va mehnat sarfi kamroq talab qilinadi. Tuproqqa nol ishlov berib urug‘ ekadigan kombinatsiyalangan agregat (No-Till Seeder) qishloq xoʻjaligida tuproq unumdorligini saqlash, eroziyani kamaytirish va resurslarni tejash maqsadida ishlab chiqiladigan zamonaviy texnika hisoblanadi. Bu texnologiya tuproqqa oldindan ishlov bermasdan, ekish jarayonini amalga oshirish imkonini beradi, bu esa ekologik va iqtisodiy jihatdan samarali bo‘ladi.

Loyiha g'oyasi:

Nol ishlov berish (No-Till) texnologiyasi yordamida ekish jarayonida tuproq tarkibining tabiiy holatini saqlashga yordam beradigan kombinatsiyalangan agregatni yaratishdir. Bu usul yerning tabiiy qatlami buzilmagan holda, ozuqa moddalarini saqlab qolish va eroziyani kamaytirishga qaratilgan.

Texnik tavsif:

1. Tuproqqa ishlov bermasdan ekish: Tuproqning yuqori qatlamini haydash yoki chopiq qilmasdan, maxsus sochish va ekish tizimlari orqali urug‘ni yerga joylashtirish.

2. Kombinatsiyalangan ishlov: Bir vaqtning o‘zida tuproqni tozalash, ekish va kerakli holda o‘g‘it kiritishni amalga oshiradigan tizim.

3. Ekish qatorlarining aniq joylanishi: Tuproq yuzasidagi o‘simlik qoldiqlariga qaramay, ekish qatorlarini aniq joylashtirish uchun navigatsiya va sensor tizimlardan foydalanish.

4. Minimal tuproq shikastlanishi: Tuproq yuzasi va strukturasini buzmasdan, faqat urug‘ va o‘g‘itlar joylashtiriladigan tor qatorlarni ochish.

5. O‘g‘it va pestitsidlar bilan birgalikda ekish: Ekish jarayonida bir vaqtning o‘zida o‘g‘it yoki zararkunandalarga qarshi vositalarni kiritish imkoniyati, bu esa qishloq xo‘jalik texnikasining samaradorligini oshiradi.

Agregatning asosiy komponentlari:

1. Diskli kesish tizimi: Tuproqni yengil kesib, qoldiqlarni chetga suradigan maxsus disklar.
2. Urug‘ ekish mexanizmi: Urug‘ni tuproqning zarur chuqurligiga joylashtirish uchun aniq va avtomatik tizim.
3. G'ildirakli tuproq yopishtiruvchilar: Ekishdan keyin tuproqni yumshoq yopish va urug‘ning nam tuproqda qolishini ta’minlash uchun g‘ildirakli mexanizmlar.
4. Navigatsiya tizimi: GPS yoki boshqa avtomatik boshqaruv tizimlari orqali qatorlarni to‘g‘ri va aniq ekish uchun foydalaniladi.

Afzalliklari:

1. Tuproq unumdorligini saqlash: Tuproqning tabiiy tuzilishi va namligini saqlagan holda, eroziya va tuzlanishni kamaytiradi.
2. Resurslarni tejash: Yoqilg‘i va mehnat xarajatlarini kamaytirib, bir vaqtning o‘zida bir nechta jarayonlarni bajarish imkonini beradi.
3. Ekinlarning yuqori hosildorligi: Tabiiy muvozanat saqlanganligi sababli ekinlarning oziq moddalari va namlikka kirish imkoniyati oshadi.
4. Atrof-muhitga ijobiy ta’sir: Tuproqdagi organik moddalar saqlanib qolishi va chiqindilarning kamayishi ekologik jihatdan foydali.

SAMARQAND AGROINNOVATSIYALAR VA TADQIQOTLAR INSTITUTI

141001, Samarqand viloyati, Oqdaryo tumani, Dahbet qo‘rg‘oni, A.Temur ko‘chasi 7-uy.

• shukrullomuratov1@gmail.com
• +998 93 834 83 83