Azkamar (Shofirkon) gil-tuprog‘i (bentoniti) ni kimyoviy qayta ishlab qurilish va lak-bo‘yoq sanoatida ishlatiladigan tabiiy mineral pigmentlar olish texnologiyasini yaratish
Bentonitlar asosida qurilish materiallari ishlab chiqarish va kimyo
sanoatida noorganik moddalardan ularning to‘ldiruvchilari sifatida foydalanish
muhim ahamiyatga ega. Respublikamizda qurilish sohasida ishlatilayotgan
suvoqbop va pardozlash pigmentlarining aksariyati chetdan import qilinmoqda.
Respublika iqtisodi uchun bunday qurilish materiallarini o‘zimizning mahalliy
xomashyolar asosida ishlab chiqarish bo‘yicha amaliy ilmiy-tadqiqotlar olib
borish, ular asosida texnologiyalar yaratish hozirgi paytda dolzarb
muammolardan hisoblanadi. Bajarilgan loyiha doirasida 5 turdagi rangli mineral
pigmentlar olinib, texnologik sxemasini tuzildi va ishlab chiqarish
sinovlaridan muvaffaqiyatli o‘tkazildi. Olingan natijalar tahlillariga ko‘ra 5
turdagi rangli kukunsimon namunalar
gips-ganchli qorishmalar, shpaklevka, “IMIX” suvemulsiyali oq rangli bo‘yoq,
“MEGA PROF” PF-115 oq rangli universal emal va oq rangli sement bilan
aralashtirilib foydalanilganda tegishli ranglardagi qorishmalar hosil qilishi
va ranglar barqarorligi aniqlandi. Bu natijalarga asoslanib, sinovdan
o‘tkazilgan rangli kukunsimon namunalar qurilish sohasi pardozlash ishlarida
tegishli rangdagi bo‘yoq-qorishma va surkov vositalari tarkibida noorganik
pigmentlar holida foydalanishga tavsiya etildi. Natijada mahalliy
xomashyolardan foydalangan holda tabiiy mineral pigmentlar olish
texnologiyasini yaratildi, import o‘rnini bosuvchi hamda eksportbob mahsulot
ishlab chiqildi.