Tejamkor va Xavfsiz Bino

Telegramdagi va youtubedagi umumiy ma'lumotlar uchun link:

https://t.me/camu_tech_startap1

https://www.youtube.com/@camu_tech

CAMU_TECH jamoasi tomonidan taklif etilayotgan bu startap loyiha hozirgi kundagi aktual muammolarni hal qilishda iqtisodiy, ijtimoiy va tibbiy jihatdan katta foyda keltiradi. Quyida bu muammolar va ularning yechimlari bilan tanishib chiqamiz va loyihaning qisqacha mazmunini tasvirlaymiz.

Biz o‘rgangan hozirgi kundagi O‘zbekistondagi, balki Markaziy Osiyodagi aktual muammolar:

1. Yong‘inlarning ko‘pligi.

2. Ichimlik suvining isrof bo‘lishi.

3. O‘zbekiston hududida qurilayotgan binolardagi xonalarning atmosferasini nazoratsizligi.

Yong‘inlar

Yong‘inlar inson hayoti va davlatning ijtimoiy, iqtisodiy va tibbiy faoliyatining eng xavfli tahdidlaridan biridir.

Ta’kidlash lozimki, respublikamizda 2023 yilda 10 204 ta yong‘in hodisasi yuz berib, unda 251 nafar fuqaro jabrlangan, shundan 79 nafari vafot etgan. Yong‘inlar oqibatida jismoniy va yuridik shaxslarga 270,4 milliard so‘mlik zarar yetkazilgan. Bu, 251 nafar fuqaro hayoti xavf ostida qolganligini va o‘lim darajasi juda yuqori ekanligini ko‘rsatadi. Yong‘inlar nafaqat insonlar hayotiga zarar keltiribgina qolmay, iqtisodiy jihatdan katta zararlar ham yetkazadi. Bu muammolarni yechimi sifatida biz guruhimiz tomonidan ishlab chiqilgan loyiha taklif qilmoqdamiz.

 Biz binolarning eski yong‘inga qarshi kurashish tizimlaridagi kamchiliklarni o‘rganib, mukammal tizim yaratdik va tizimimizning prototipini yaratdik.

Tizimimiz qulayliklari:

1. Tizimimiz maxsus yong‘inni aniqlovchi datchiklar to‘plamidan iborat bo‘lib, yong‘inlarning oldini olishga va agar yong‘inlar kelib chiqsa avtomatik o‘chirish tizimiga ega.

2. Yong‘in kelib chiqishini oldindan aniqlab, bino yoki uy egasiga SMS xabarnoma yuborish va doimiy nazorat qilish uchun yagona veb tizimga ega.

3. Agar binoda yong‘in kelib chiqsa, bu ma’lumotni davlatning maxsus organlariga joylashuv holatini ko‘rsatish orqali xabar berish imkoniyatiga ega.

Telegram youtube tarmoqlaridagi video va to'liq ma'lumotlar uchun linklar:

https://t.me/camu_tech_startap1/17

https://www.youtube.com/watch?v=FM0CmRKY-rs

Ichimlik suvi

Suv inson hayoti va tabiatga zarur bo‘lgan eng oliy ne’matlardan biridir.

Ma’lumki, O‘zbekiston hududida ayni bahor oylarida yog‘ingarchiliklar juda ham ko‘payadi (aprel oyi 2022 yilda hisobiga ko‘ra Toshkentda bir oyda 9 mm (me’yoridan 14%) yog‘ingarchilik kuzatildi). Biz kuzatishlarimiz asosida bu tabiat inomlaridan oqilona foydalana olmayotganimizni tan oldik va o‘z loyihamiz orqali bu tabiat inomlaridan oqilona foydalanish hamda bu suvlarni texnik suvlar sifatida ishlatish orqali ichimlik suvini tejashni rejalashtirmoqdamiz.

Biz yomg‘ir suvlaridan oqilona foydalanish orqali binolardagi kanalizatsiya tizimini tubdan o‘zgartirib, har bir bino o‘z-o‘ziga xizmat prinsipini qo‘llashni niyat qilganmiz. Ya’ni, yomg‘ir suvlarini texnik suvlar sifatida ishlatish orqali binolardagi faqat hojatxona uchun ishlatiladigan suv miqdorini kamaytirish va qayta ishlashni yo‘lga qo‘yish, bu tizimni faqat birgina bino uchun qo‘llab, ortiqcha xarajatlarni oldini olish hamda tabiiy ichimlik suvini 70% gacha tejashni rejalashtirmoqdamiz.

Biz bu tizimimiz orqali yog‘ingarchilik mavsumidagi yomg‘ir suvlaridan oqilona foydalanib, bu suvlarni hojatxona uchun qayta-qayta ishlatish orqali suv sarfini tejash hamda ichimlik suvlaridan oqilona foydalanishni rejalashtirmoqdamiz.

Telegram youtube tarmoqlaridagi video va to'liq ma'lumotlar uchun linklar:

https://t.me/camu_tech_startap1/18

https://t.me/camu_tech_startap1/12

https://www.youtube.com/watch?v=xWhJ_BMOyiw

Toza va tabiiy atmosfera

Toza va tabiiy atmosfera insoniyatning sog‘lomlik darajasining eng muhim garovidir.

 Hozirgi kunda O‘zbekiston Respublikasida qurilayotgan binolarni biz o‘z jamoamiz bilan o‘rganganimizda quyidagi kamchilik va muammolarga duch keldik:

1. Bino xonalarining atmosferasini nazoratsizligi va avtomatlashtirilmaganligi. 2. Kislorod, tabiiy gaz, xonalar yoritilganligi va changlarning normada emasligi. 3. Havo almashtirish tizimining alohida bir tizim qilinmaganligi.

Bu muammolarni yechimi sifatida biz maxsus aqlli datchiklardan iborat bo‘lgan qurilmani ishlab chiqdik. Bu qurilmamiz orqali biz xonaning 7 dan ortiq parametrlarini aniqlagan holda xonalarning atmosferasini nazorat qilishga va bu orqali insonlarning tibbiy holatlarini yaxshilashga erishamiz.

Telegram youtube tarmoqlaridagi video va to'liq ma'lumotlar uchun linklar:

https://t.me/camu_tech_startap1/16 https://www.youtube.com/watch?v=hgwgkrjAO3k

CENTRAL ASIAN MEDIKAL UNIVERSITY

Marifat 8a

• umaraliyevsherzodbek2000@gmail.com
• 97 624 04 10