Maqsadi:

1.Oʼzbekiston hududida allergenli oʼsimliklarning havoda tarqalgan gulchanglarini aniqlash va  changlanishini doimiy monitoring qilish.

2.Аllergenli oʼsimliklar changlanishining boshlanishi va tugash vaqti toʼgʼrisida aholini keng xabardor qilish.

Vazifasi:

1. Oʼsimlik changlarining tarqalish xaritasini tahlil qilish boʼyicha mamlakatning 8 hududida oʼrnatilgan oʼsimlik chang qopqonlaridan toʼliq yillik natijalarni olish.

2. Palenologiya sohasidagi oʼsimlik changlari monitoringi yoʼnalishida maxsus oʼquv qoʼllanmalarini tayyorlash va treninglar oʼtkazish.

3. Oʼsimlik changlari tarkibini butun vegetatsiya davrida (fevral-oktyabr) tahlil qilish va havoda tarqalgan va allergenlarning potentsial manbai boʼlgan chang kontsentratsiyasini baholash.

4. Maʼlumotlar bazasini shakllantirish va uning asosida Oʼzbekiston hududida atlas va oʼsimliklarni changlanish taqvimini yaratish hamda muntazam yangilash (toʼldirish).

5. Mutaxassislar va aholiga oʼsimliklarni changlatish vaqti - allergenlarning potentsial manbalari toʼgʼrisida maʼlumot berishning eng informatsion usullarini aniqlash.

Ilmiy yangiligi:

1. Gulchang qopqoni ichki barabanining so’rish kuchi hisobiga, 70 km diametrda havoda tarqalgan allergen o’simliklarning gul changini o’zida ushlab qoladi.

2. Oʼzbekiston hududi havosida mavjud boʼlgan allergen oʼsimlik changlarining aniqlash boʼyicha bundan oldin tizimlashtirilgan ilmiy tadqiqotlar oʼtkazilmagan. Oʼzbekiston hududida o’rnatilgan gulchang qopqoni orqali allergen xususiyati mavjud boʼlgan oʼsimlik turlarining xilma-xilligi va havodagi oʼsimlik changlari kontsentratsiyasining dinamikasini aniq baholash.

3. Mavsumiy oʼsimlik changlarining tarqalishini oʼrganish mavsumiy allergik nafas olish reaktsiyalarining oldini olish yoki koʼrinishini kamaytirish uchun profilaktika choralarining taqvimini ishlab chiqishga imkon beradi.

4. Oʼzbekiston hududida allergen manbalari boʼlgan oʼsimliklarni atlasini yaratish,aholi va mutaxassislarni oʼz vaqtida xabardor qilish profilaktika choralarini yanada samarali amalga oshirishga hamda oʼsimlik changiga allergik reaktsiyalarni rivojlanish xavfini kamaytirishga imkon beradi.

XALQARO MOLEKULYAR ALLERGOLOGIYA MARKAZI

Toshkent shahri, Olmazor tumani TALABALAR SHAHARCHASI

• abdufofiz@bk.ru
• +998999573238