Loyihaning asosiy maqsadi ovqatni olovsiz qizdirish uchun maxsus kimyoviy kompozitsiyani yaratish va uni qizdiruvchi sistema sifatida sinab ko‘rishni ko‘zda tutadi. Bu texnologiya foydalanuvchilarga elektr toki yoki gaz kabi an’anaviy energiya manbalarisiz ovqatni qizdirish imkonini beradi. Ovqatni qizdirish uchun ishlatiladigan komponentlar kimyoviy reaktsiyaga kirishishi natijasida issiqlik hosil qiladi. Odatda bu reaktsiyalar suv va metall oksidlari (masalan, kaltsiy oksidi) yoki boshqa reaktiv moddalarning birikmasi asosida amalga oshiriladi. Bunday kompozitsiya suv bilan reaktsiyaga kirishganda issiqlik chiqaradi, bu issiqlik ovqatni qizdirish uchun yetarli bo‘ladi. Maxsus idish yoki paket ichida joylashtirilgan ovqat qizdirgich kompozitsiya bilan birga qo‘yiladi. Foydalanuvchi suvni qizdiruvchi kompozitsiyaga qo‘shib, reaksiyani boshlaydi. Natijada hosil bo‘lgan issiqlik ovqatni kerakli haroratgacha qizdiradi. Ushbu jarayon to‘liq xavfsiz bo‘lib, olovsiz amalga oshiriladi.

         Kompozitsiyaning asosiy komponentlari tanlab olinadi va reaksiyaning optimal sharoitlari ishlab chiqiladi. U qizdirishda kerakli issiqlik miqdorini chiqarishi lozim va uni qo‘llash xavfsiz bo‘lishi kerak.

Kompozitsiya har xil iqlim sharoitlarida ishlatilishi mumkinligi uchun uning barqarorligi va samaradorligi sinovdan o‘tkaziladi. Tayyorlangan qizdirgich komponent turli ovqat qadoqlari va paketlarida sinab ko‘riladi. Ovqatni tez, xavfsiz va bir xil tarzda qizdirishi uchun optimal dizayn ishlab chiqiladi. Texnologiyaning xavfsizligi alohida ahamiyatga ega. Komponentlar reaksiyaga kirishayotganda yonuvchi yoki portlovchi moddalar hosil qilmasligi kerak.

         Bundan tashqari, foydalanuvchilar uchun atrof-muhitga zarar yetkazmaydigan texnologiya yaratilishi lozim. Quvvat manbasiga ehtiyoj yo‘q: Ushbu texnologiya orqali har qanday joyda elektr yoki gazga ehtiyoj sezmasdan ovqatni qizdirish mumkin bo‘ladi. Bu favqulodda holatlarda, sayohatlar yoki harbiy sharoitlarda juda qulay hisoblanadi. Foydalanuvchiga faqat suv qo‘shish yetarli bo‘ladi. Ovqatni issiqlik manbaisiz osonlik bilan qizdirish mumkin. O‘choq yoki gaz plitasi kabi olovli manbalarga ehtiyoj bo‘lmagani sababli, texnologiya xavfsizdir. Yonish yoki portlash xavfi minimal darajada. Jarayon minimal miqdorda suv talab qiladi va havo yoki atrof-muhitga salbiy ta’sir ko‘rsatmaydi. Texnologiya ixcham va yengil bo‘lgani uchun uni sayohatga olib ketish, dala sharoitida ishlatish qulaydir.

       Loyiha quydagi sohalarda:

       Harbiy xizmat: Askarlar har qanday sharoitda tezda ovqatni tayyorlashlari mumkin bo‘ladi.
    Favqulodda vaziyatlar: Qutqaruv ishlarida yoki tabiiy ofatlar vaqtida ovqat yetishmasligi yoki elektr tarmog‘i ishlamasligi holatlarida ishlatilishi mumkin.

         Sayohatlar va turizm: Kamping yoki uzoq safarlar paytida elektrsiz ovqat tayyorlash imkonini beradi.

   Bu texnologiya oziq-ovqat sanoatida innovatsion yechim sifatida katta imkoniyatlarga ega va foydalanuvchilarga o‘z ehtiyojlarini har qanday sharoitda qondirish imkonini beradi.

TOSHKENT KIMYO - TEXNOLOGIYA INSTITUTI

Toshkent sh., 100011, Navoiy ko‘chasi, 32

• info@tkti.uz
• +998712447921