Respublikamizning Chust, Yangiqo‘rg‘on, Rishton va Boysun tumanlarida etnoturistik markazlarning tashkil qilish orqali turizmni rivojlantirishga xizmat qiluvchi, sayyohlar uchun zarur bo‘lgan ma'lumotlar bazasini yaratish maqsad qilingan.

Ushbu maqsadga erishish uchun loyiha doirasida quyidagi vazifalarni hal etish ko‘zda tutiladi:

- Mamlakatimizda etnoturistik maskanlarning raqamli xaritasini yaratish bo‘yicha ma'lumotlarni jamlash;

- Respublikamizning barcha mintaqalari bo‘ylab kompleks ilmiy-amaliy tadqiqotlar olib borish va to‘plangan ma'lumotlarni ilmiy to‘plamlarda chop etish;

- Respublikamizning turli hududlarida etnoturizm uchun mo‘ljallangan ob'ektlar ro‘yxati va respublika bo‘ylab yo‘l xaritalarini tuzish va raqamli xaritaga  birlashtirilgan mobil ilovasini yaratish;

- Respublika va xorijiy ommaviy axborot vositalari hamda ijtimoiy tarmoqlar orqali etnoturistik manzilgohlarning keng targ‘ib qilish, xorijiy sayyohlar uchun mo‘ljallangan turizm yo‘nalishlari aks etgan videoroliklar tayyorlash va ijtimoiy tarmoqlarga joylashtirish;

- Respublika va xorijiy ommaviy axborot vositalari hamda ijtimoiy tarmoqlarda o‘zbeklar ma'naviy va diniy merosiga oid an'analarini keng targ‘ib qilish, xorijiy sayyohlar uchun mo‘ljallangan etnoturizmi yo‘nalishlari aks etgan videoroliklar tayyorlash hamda xalqaro, milliy turizm portallarida keng targ‘ib etish

 - “O‘zbekiston tarixi”, “Dunyo bo‘ylab” va boshqa milliy teleradiokompaniyalar bilan hamkorlikda sayyohlik kompaniya va tashkilotlar uchun O‘zbekistonning etnoturizm salohiyati, asosiy yo‘nalishlari hamda rivojlanish istiqbollariga bag‘ishlangan taqdimotlar va teleko‘rsatuvlar o‘tkazilishi rejalashtirilgan.

TOSHKENT DAVLAT SHARQSHUNOSLIK UNIVERSITETI

Toshkent shahri, Amir Temur ko‘chasi, 20-uy

• rector@tsuos.uz
• +998903473331