Loyiha O‘zbekiston Respublikasi Prezidentining 2022-yil 6-iyuldagi PQ-307-sonli qarorining  7-ilovasi bilan tasdiqlangan loyihalar ijrosini ta’minlash maqsadida tashkil etilgan bo‘lib, uzum urug‘i tarkibidagi moyni sovuq preslash usuli yordamida ajratib olish va qadoqlashdan iborat. Taklif etilayotgan mavzu doirasida uzumning barg qismidan  maxsulotlar Fransiya va Rossiya davlatida ANTISTAKS nomi bilan tayyor maxsulot sifatida ishlab chiqariladi va Respublika hududiga import Tovar bo‘lib kirib keladi.Ushbu preparat asosan qon tomir kasalliklarini davolashda, surtma holida esa terining sezuvchanligini oshirishda, kuygan, yaralangan terini davolashda yaxshi natijalarga ega. Loyihaning farqli tomoni shundan iboratki yuqorida aytib o‘tilgan davlatlarda ishlab chiqarishga mo‘ljallangan loyihalarda maxsulot tayyorlashda limon va kakos moyi ( Hindiston yong‘og‘i) ishlatilgan bo‘lib, bizning loyihada bular o‘rnida uzum urug‘i yog‘i ishlatish rejalashtirilgan. Chunki mahalliy uzum urug‘i moyining yog‘ kislota tarkibi O‘zRFA huzuridagi O‘simlik moddalari kimyosi instituti olimlari bilan hamkorlikda o‘rganilganda boshqa moylardan ustun tomonlari aniqlandi. Bu esa tabiiy preparat tayyorlashda maxsulotning yanada ijobiy ta’sir natijalarga ega bo‘lishini kafolatlaydi. Loyihani amalga oshirish uchun ilmiy laboratoriya bazasi va mavjud ilmiy infratuzilma obyektlari mavjud. Farg‘ona davlat universiteti huzurida tashkil etilgan “FDU INNOVATION” DUK (guvohnoma №1949568) tashkil etilgan bo‘lib, ushbu laboratoriyada biologik faol qo‘shimchalar ishlab chiqarish uchun sharoitlar yaratilgan bo‘lib, rejalashtirilayotgan loyihani amalga oshirish uchun ilmiy lobaratoriya va xodimlar mavjud. DUK O‘zbekiston Respublikasi Prezidentining 2022-yil 6-iyuldagi PQ-307-sonli qarorininng  7-ilovasi bilan tasdiqlangan loyihalar ijrosini ta’minlash maqsadida tashkil etilgan bo‘lib, hozirda kerakli johozlar bilan taminlangan.

Maqsadi: Import Tovar o‘rnini bosa oladigan biologik faol qo‘shimcha yaratish.

Vazifasi: Zararlangan va kuygan teri faoliyatini yaxshilash hamda qon tomir kasalliklarini oldini olish va davolash. Loyihaning yana bir muhim vazifalaridan biri Vino ishlab chiqarish sanoatida yiliga tonnalab chiqayotgan meva chiqindilardan unumli foydalanishdir.

Ilmiy yangiligi: Loyihaning ilmiy yangiligi shundan iboratki, Fransiya, Rossiya,Vengryiya davlatlarida ishlab chiqarishga mo‘ljallangan loyihalarda maxsulot tayyorlashda limon va kakos moyi ( Hindiston yong‘og‘i) ishlatilgan bo‘lib, bizning loyihada bular o‘rnida mahalliy uzum navlari urug‘i moyi ishlatilishidir sababi bizning tadqiqotlarimiz natijasida mahalliy uzum navlari tarkibidagi to‘yinmagan yo‘g‘ kislotalari vino ishlab chiqarishga mo‘ljallangan uzum navlari tarkibidagi to‘yinmagan yog‘ kislotalardan miqdor jihatdan yuqori ekanligi aniqlangan.

FARG‘ONA DAVLAT UNIVERSITETI

Farg‘ona shahar, Murabbiylar ko‘chasi, 19-uy

• ahmadaliev-62@mail.ru
• (94) 945-11-55